ღ خلك مع اللي بالكذب يعطيك ღ

ღ خلك مع اللي بالكذب يعطيك ღ ,


خلك مع الي بالكذب يعطيك
وانا ترى بلقى ملايين تسواك
لاتحسب اني برخص النفس واجيك
ما أذل نفسي لمثلك وشرواك
يحرم علي وصلك وقربك ولا أجيك
العيد عيدين وثالثهم فرقاك


لاتنصدم لاقلت انا اليوم مابيك
القلب عافك وانتهى اليوم دورك
اعميتني بحبك عسى الله يعميك
ورميتني يازين باعمق بحورك
يالله توكل لاتجيني ولاجيك
يالله حبيبي قوم رتب امورك


بعد الخيانه انتهت رغبتي فيك
وان كنت تذكرنا ترانا نسياك
يشهد علي الله لاحل طاريك
يروق قلبي لكن أذكر سواياك

إذا طبعك كذا ما أبيك..
بترضى وإلا مايرضيك..
نصيحة لاتزودهاترى أسويهاوأخليك!!
أنا كلي أجي لاجيت..
( وأبيع الدنيا لي حبيت )
ولكن تدري وش عيبي؟؟
إذا صديت أناصديت..



طبعك تغير ومالقينا له أسباب
ولاني مقصر فيك ولاني بحافي
كنك على فرقاي تفتح لي باب
اقسى علي وماجرى منك كافي


ان كان غيري في غيابك يسليك
خلك معه ولا تتركه الله يخليك
سهل إنك تنساني لكن صعب
إنك تمحيني من قلبك وبالك
لاني وياك مثل القلب وروح
مالهم غنى عن بعض اذا مات
القلب تموت معاه الروح

مابيني وبينك مشاريه وعتاب
شف دربك اللي جيت منه تدله
ماراح تغلبني لو الحب غلاب
من حضرتك عشان قلبي تذله
كنت القريب وكلهم أغراب
حتى القمر لاغاب شفتك محله
رح واعتبرني واحد أذنب وتاب
ماني بثوب تلبسه ثم تمله


وش أسوي دام قلبك مايبيني
دايمن يهوا فراقي والزعل
ببتعد لجلك أنا يا نور عيني
وبالمهل ببعد حبيبي بالمهل
أسفن ان قل في حبك حنيني
والجراح اللي بقلبك تنذبل
لك وعد مني أبد متشوف شيني
ألا انا واحد عشق شخص وفشل


المفارق عنك لا يعني ضياعي
والمعيشه معك لاتعني متاعي
والحياة بتستمر وشي طبيعي
لوتجي تسحب ذراعك من ذراعي
ما أموت من المفارق وأنت تدري
وش بقول إن جيتني ناوي وداعي
باختصار إن غبت تأكد المفارق لايعني ضياعي


على فكره!
قلبي ما ينكر العشره..
يفني للغلا عمره..
يبكي فراق الوليف..
ويبتسم على ذكره..
وعلى فكره!
قلبك ما عرف قدره..
مسكين هو له عذره..
غلاي أنا فوق الوصف..
وبروحك بتكتشف بكره..
دور على غيري حبيب
كل شي ترى قسمه ونصيب
تراني أنا منتهي
وشلون وياك أبتدي
انا ماني مثل غيري
تسلى فيه بأوقاتك
ترده كل ما مليت
ويرجع يتبعك ثاني
كثير احباب يمي
بس قدرهم عليك فاق
حبهم سرى بدمي
واظل لشوفتهم اشتاق

صدقيني ما بقى للحب قيمه
الجفا شال الوفا واصبح مكانه
والصراحه صارت كلمه قديمه
والهوى اصبح خيانه في خيانه
والمحبه كنها طفله يتيمه
مات ابوها وانحرمت حنانه
صدقيني قصتي قصه أليمه
والهوى ما عاد يغريني كيانه


أبشرك جرحك ثمن غلطتي فيك
ولا أنت ما تجبر على حبك إنسان
اليوم لا بشكي ولا بندم عليك
فعلك مضارع بس حبك خبر كان
عن قسوتك ما عملت قسوه ايديك
صحيح كل اللي يحبون عميان


لاتكثر بحكيك ترى دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لايفلت إلسانك على شخص رباك
انا بنيتك وماني عاجز اهدمك



وفر كلامك وورني عرض الاكتاف
قلبي كره هجرك ولاهو بمجبرو
ترى القلوب بطبعها شي شفاف
الكسر فيها صعب تلقلا له جبور
ولاتحسب اني من الهجر بخاف
ياشيخ خذ حبك وقلبك ومشكور..!!


تمشي وعينك ماتعدا مواطيك
ابيك درس لكل خاين ونساي
وافهمك قدرك وقيمة مباديك
والله لهينك لين تبكي تبي رضاي
ذليل تكسر عين منهو يراعيك



عندي سؤال وخابرن فيه
تجريح !!
لكن ضروري
تسمعه بأنبساطي
أرفعك بيدي للسما
ترجع تطيح?
قلي شسوي فيك
لاصرت واطي



لحظه حبيبي وقف هناك بالدور..
مانيب فاضي يمكن افضي لك اشوي!!
لازم تذوق المر وتعيش مكسور..
واكويك من جمر الهوى لاغدى حي..
ولو بعتلي عمرك فلا قلت مشكور..
لانك بعيني صرت كلك ((ولاااا شي))!!




آسف إذا لك قلت انسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وانا أبعد ولا لي بطاريك
شلون احب انسان طبعه اناني
لا مايصير تبيع فيني واشريك
اتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجتك ولا فايدة فيك
الحين جيت تقول انسى عشاني
جابك زمانك خلك اليوم
(ما أبيك)



خلقت لي شموخ وهامة
ماطالها طويلين الانفاس
وكونت لي عرش رفيع مقامه
مايوصله جن ولا يوصله ناس
ورفعت نفسي فوق هام الغمامة
اشوف زلات البشر وارفع الراس
واليوم كلن خصني بإحترامه
واللي معاديني بالأقدام ينداس



أبشرك ماعاد يوجعني فراق,وأقسى وجع فيني يزول بثواني..
عودت قلبي إذا حمل هم أو ضاق أرمي وما أسأل عن اللي رماني..
عودت نفسي للمتاهات ما أنساق..ولا يسيل دمع عيني وأعاني..
خل الحياة أتروح والعمر أرزاق لابد يوم يضحك لي زماني..



ماعدت أحن لشوفتك وأشتاقك
لو كنت تسوى بالوجود أعياني
جيتك أبشربالهجر خفاقك
ممكن خفوقك منيتة هجراني
أنا بحقق رغبتك بفراقك
كرامتي عن عشرتك تنهاني
البارحة أحرقت كل أوراقك
ومحيت نجمك من سماوجداني

رووووو ع ــــه

يسلمووو الله يعـــطيك العافيه

نـــــــــــآي ــص